“Ukrayna ordusunun 68-ci briqadasının şanlı döyüşçüləri Ukrayna Müdafiə Qüvvələrinin qonşu bölmələri ilə əməkdaşlıq edərək Blaqodatnoe qəsəbəsini işğaldan azad ediblər. 

Ovqat.com-un məlumatına görə, xəbəri briqadanın komandanlığı yayıb.

Komandanlıq iddianı təsdiqləyən  video da yayımlayıb. Videoda əsgərlər qəsəbənin inzibati binasının üzərinə Ukrayna bayrağı asırlar.

Məlumatda bildirilir ki, rus işğalçılarından əsir düşənlər də olub.

Qeyd edək ki, Ukraynanın bir çox vilayətlərində eyniadlı yaşayış məntəqəsi mövcuddur. Məlumatdan aydın olur ki, burada söhbət Donetsk vilayətindəki Blaqodatnoe qəsəbəsindən söhbət gedir.

“Müdafiəçilərimiz Zaporojye vilayəti ilə sərhəddə, Velyka Novoselka yaxınlığında yerləşən ərazini azad etdilər”, - məlumatda qeyd olunur.