Fransa prezidenti Emmanuel Makronun İsraili Qəzza zolağında dinc sakinlərin öldürülməsini dayandırmaq çağırışına İsrailin Xarici İşlər naziri  Eli Koen cavab verib.

Ovqat.com-un məlumatına görə, Eli Koen fələstinlilərin məruz qaldığı qətllərdən və iztirablardan “Həmas hərəkatı”nın məsuliyyət daşıdığını bildirib.

“Bütün hadisələrin, qırğınların, başlayan müharibənin və Qəzza xalqının çəkdiyi əzabların məsuliyyəti yalnız HƏMAS-a məxsusdur”, - deyən Koen təşkilatı “fələstinlilərin ən böyük düşməni” adlandırıb.

Koenin fikrincə, İsraill “beynəlxalq hüquqa uyğun hərəkət edir”.

Nazir HƏMAS məhv edilənə və Qəzzada bütün girovlar azadlığa buraxılana qədər müharibənin davam edəcəyini bildirib.