Yəməndə intihar hücumu olub.

Hərbi mənbələrdən verilən məlumata görə, ölkənin cənubunda yerləşən Şəbvədə təhlükəsizlik nəzarət nöqtəsinə terror təşkilatı Əl-Qaidə tərəfindən təşkil olunduğu ehtimal edilən intihar hücumunda Şəbvəniyyə Əlahiddə Qüvvələrinə mənsub çox sayda silahlı həyatını itirib.

 Şəhərdəki dövlət xəstəxanası rəsmiləri hücumdan sonra Şəbvəniyyə Əlahiddə Qüvvələrinə aid 15 nəfərin cəsədinin xəstəxanaya çatdırıldığını deyib.

 Şəbvəniyyə Əlahiddə Qüvvələri əl-Qaidənin fəal olduğu Şəbvə vilayətinin müxtəlif qəzalarında yerləşdirilmişdi.

 2015-ci ildə yaradılan və BƏƏ tərəfindən dəstəklənən bu birliklər Səudiyyə Ərəbistanının rəhbərliyi altında yaradılmış koalisiya qüvvələrinin düşərgələrində təlim keçiblər.