Qardaşı qızıyla qaçdı, yoxsa şantaja məruz qaldl -Qarşılıqlı ittihamlar

Kiçik bir narazılığın böyük skandallara, dedi-qodulara yol açdığı cəmiyyətdə yaşayırıq. Bəzən bu dedi-qodular cəmiyyət arasında böyük sürətlə yayılır, insanların ləyaqətləri alçalır, ailələr arasına qan salır, yaxın qohumlar arasındakı körpüləri bir də bərpa olunmayacaq qədər yandırır.
Nə yazıq ki, bu cür kiçik qığılcımdan söndürülməsi çətin olan alovların qalanmasında mətbuat da az rol oynamır. Bu gün 38 yaşlı ailəli bir insanın öz qardaşı qızını qaçırması barədə mətbuat orqanlarında yayılan xəbər də bu qəbildəndir. Məlumat ölkə mətbuatında dərc olunduqdan sonra ortaya çıxan əmi Həsən Səfərov özü haqqında söylənənlərin heç bir əsası olmadığını, sadəcə həyat yoldaşı tərəfindən ailə münaqişəsində zəminində şantaj məqsədilə ictimailəşdirildiyini bildirib.
Sözsüz ki, hansı tərəfin haqlı olun-olmadığımı məhkəmə müəyyənləşdirəcək. Biz isə ciddi ittihamlara məruz qalan əmi Həsən Səfərovun “Ölkə.az” saytına müsahibəsini Ovqat.com oxucularına təqdim edirik:
Gəncə şəhər sakini, üç uşağını və həyat yoldaşını atıb qardaşı qızıyla qaçdığı deyilən Həsən Səfərov Ölkə.Az-ın suallarını cavablandırıb:
- Həyat yoldaşınızın səsləndirdiyi ittihamlarla bağlı deyəcəkləriniz maraqlıdır.
- Onun danışdıqları doğru deyil.
- Qadın bildirir ki, yazışmalarınızda qardaşınız qızıyla bir-birinizə öpüşlər, ürək fotoları göndərmisiniz...
- Martın 11-də Güneli qardaşıyla Bakıya yola salmışam. Ailəsində bir az söz-söhbət var idi. Qardaşı dedi ki, aparım, sakitçilik olsun, gətirərəm.
- Günel sizin qardaşınız qızıdır...
- Bəli.
- Günel indi haradadır?
- Qardaşıyla bir yerdə qalır Bakıda. Orada işləyirlər.
- Bəs siz haradasınız?
- Şəmkirdə.
- Bacınızla həyat yoldaşınızın səs yazısına qulaq asdım. Dolayısıyla sizin Günellə münasibətinizi təsdiqləmiş oldu.
- Xeyr, bacım da mənim dediyimi deyir. Səhər danışmışıq. Həm də mənim telefonumu oğurlayıb aparıb. Hansı telefonla yazışmışam ki? O niyə özündən danışmır? Ötən ilin mart ayının 31-də evdən qaçdı. Gedib polisə yalandan şikayət elədi ki, Həsən gəlib Poçt qəsəbəsi adlanan yerdə məni döyüb. Amma Allaha and olsun, döyməmişdim, evdəydim. Polislər də gəlib gördülər ki, evdəyəm. Onun şikayətinə görə altı yüz manat cərimələndim. Təzədən yaltaqlandı ki, ağıllanmışam.
- Evdən niyə qaçsın ki? Səbəb nə idi?
- Uşaqları götürüb bacanağımgilə getmişdi. Rəhmətlik anam soruşdu ki, Həmidə, hara getmişdin? Dedi, yaxşı edirəm, gedirəm gəzirəm. Qardaşımın qırx mərasimi günündə o anamı saçından tutub yerlə sürüdü, sonra da özü polis çağırdı. Çox şeylər var e...
- Bildirmisiniz ki, üçüncü uşaq sizin deyil.
- Bəli, üçüncü uşaq mənim deyil. DNT testi verməyə də razıyam, sözümə də başımla cavabdehəm. Çox üzr istəyirəm, o mənə dedi ki, fevralın 20-dən uşağa qalmışam. Uşaq isə yanvarın 5-də anadan olub. On bir aya uşaq olur? Apardım kirayədə saxladım, özüylə Aynurə adlı bir gəlin gətirmişdi.
- Qohumu idi?
- Xeyr, qohumu deyildi. Bir dəfə də Beyləqandan evlərindən qaçıb Gəncədə sığınacağa gəlmişdi.
- Əgər onun başqasıyla münasibətinin olduğunu hiss edirdinizsə, niyə ondan sonra bir il bir evdə yaşadınız?
- Bir ayda üç kirayə dəyişdim. Gündə bir taksiylə gəzirdi. Mən özüm motosikletlə zibilxanalardan dəmir yığıb satan olmuşam. Çörəkpulum zibildən çıxırdı. Gündə bir "zerkalni" nömrədən yığırdı ki, uşağa filan şey oldu, gəl. Gədəbəydəyəm, zəng edib ki, gəl, uşağın başı partlayıb. Əlli manat verib taksiylə tələsik gəlmişəm, uşağın başındakı sarığı açıram ki, heç nə olmayıb. Bir dəfə də çıxıb getmişdi, gedib dostumgildən çıxartmışam. Mənə deyirdi ki, sənin acığına dostlarınla yatacağam.
- Və son olaraq, Günel ailəlidirmi?
- Bəli.

Ana səhifəyə qayıt Baxış: 1 440 Tarix: 5-04-2017, 16:54

Xəbəri paylaş

Paylaş: