Hakim AKP-dən istefa verərək öz partiyasını quracağını elan edən Türkiyə baş nazirinin keçmiş müavini Əli Babacanla bağlı daha bir iddia gündəmə gəlib.

Teleqraf.com xəbər verir ki, yanvar ayında elan etməyə hazırlaşdığı partiya ilə Prezident Rəcəb Tayyib Ərdoğana rəqib olan Babacanın telekanal alacağı bildirilib.

Babacanın 1996-cı ildə qurulan, 2017-ci ildə borca görə iflasa uğrayan “Kanal A”-nı almaq üçün hərəkətə keçdiyi iddia edilib.

Keçmiş dövlət rəsmisinin telekanalın borclarını ödəyərək alacağı deyilir.

Telekanalın sahibi Ahmet Kaya 2017-ci ildə verdiyi açıqlamada sərfəli təklif olacağı halda kanalı satacaqlarını elan etmişdi.