_{İdlibin şimalında məruz qaldıqları hücumda 5 türk əsgər şəhid olub, 5 əsgər isə yaralanıb.}

Ovqat.com xəbər verir ki, məlumatı Türkiyənin Müdafiə Nazirliyi yayıb.

Hücumdan sonra bölgədəki hədəflərin atəşə tutulduğunu bildirən Nazirlik şəhidlərin qanının yerdə qalmadığını vurğulayıb:"Hadisələr yaxından izlənilir və lazımi tədbirlər görülür. Dərin ağrı və kədər hissi ilə qarşıladığımız bu hadisəyə görə şəhidlərimizin ailələrinə və nəcib millətimizə başsağlığı veririk».

Xatırladaq ki, bir həftə əvvəl də yenə Suriya ordusunun artilleriya zərbəsı nəticəsində 8 türk əsgəri öldürülmüş, 7 nəfər yaralanmışdı. Türkiyə ordusu dünən 900-dən artıq texnika ilə İdlibə girmiş, bu gün isə yeni şəhid xəbərləri gəlməyə başlamışdır.