Azərbaycanda bu ilin yanvar-aprel aylarında kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 385,1 mln. manatlıq məhsul istehsal edilib.

Dövlət Statistika Komitəsindən "APA-Economics"ə verilən məlumata görə, 2019-cu ilin müvafiq dövrü ilə müqayisədə məhsul buraxılışı əczaçılıq məhsullarının istehsalında 60,7% , kimya sənayesində 24,9%, rezin və plastik kütlə məmulatlarının istehsalında isə 20,% artıb.

Məlumata əsasən, hesabat dövrü əsas kimya məhsullarından metanol istehsalı 67,6%, etilen istehsalı 18,2%, propilen istehsalı 17,9% artıb. Rezin və plastik kütlə məmulatlarından məsaməli polistirol lövhələr və zolaqların istehsalı 3,1 dəfə, bərk polipropilen boruların istehsalı 77,9%  artıb.