Ermənistana idxal olunan partlayıcı maddələr (dağ-mədən, yol tikintisi və s. kimi sənaye məqsədləri üçün istifadə olunan maddələr) Rusiya-Gürcüstan sərhədində saxlanılıb.

Musavat.com bu barədə erməni nəşri olan "Aravot" qəzetinə istinadən məlumat verir.

Məlumatda qeyd olunur ki, artıq iki həftədir ki, Gürcüstan tərəfi Rusiyadan Ermənistana gələn yüklərin sərhədi keçməsinə icazə vermir.
Qəzet yazır ki, əvvəllər yükdaşımalarda belə problem olmayıb.

Qeyd edək ki, bu partlayıcı maddələr Geopromining mədən şirkəti və Agarak Mis-Molibden zavodunun işi üçün nəzərdə tutulub.