Xəbər lenti

 
Belarus Prezidenti Aleksandr Lukaşenko saxlanılan “Vaqner” döyüşçülərindən bəzilərini Ukraynaya verməyə razılaşıb.
 
Ovqat.com xəbər verir ki, bunu ukraynalı jurnalist Dmitri Qordon "Azadlıq radiosu"na açıqlamasında bildirib. Jurnalistin sözlərinə görə, bu barədə ona Belarus rəhbəri öz müsahibəsində deyib.
 
"O, (Aleksandr Lukaşenko.- "BJ") bildirdi ki, Zelenski Donbass döyüşlərinə qatılanların Ukraynaya təhvil verilməsini xahiş edib; o cümlədən Ukrayna vətəndaşlarını. Lukaşenko dedi ki, Belarus qanunlarına uyğun olaraq təqsirkarların həm Rusiyaya, həm də Ukraynaya verilməsi naminə lazım olan hər şeyi etmək üçün prokurorluğa və digər hüquq-mühafizə orqanlarına yaşıl işıq yandıracaq", - deyə Qordon bildirib.
 
Avqustun 5-də Belarus və Ukrayna Prezidentləri Aleksandr Lukaşenko və Vladimir Zelenski telefon danışığı zamanı saxlanılmış rusların ekstradisiyasının mümkünlüyünü müzakirə ediblər. Ukraynanın iddiasına görə, həbs olunan 33 “Vaqner” döyüşçüsündən 28-i daha əvvəl Donbassda yaşanan münaqişəyə qatılıb.
 
 


Ana səhifəyə qayıt        Baxış: 2 995          Tarix: 6-08-2020, 07:21      


Paylaş:   

Ən çox oxunanlar