Yanvarın 26 - da SOCAR və “Palmali” Şirkətlər Qrupu arasında iş üzrə ikinci arbitraj qərarı açıqlanıb.

Bu barədə virtualaz.org-a SOCAR-dakı mənbələr məlumat veriblər.

Məlumata görə, SOCAR qrupunun xeyrinə qərar verilib.

Belə ki, məhkəmə prosesi zamanı “Palmali” və Mübariz Mansimov tərəfindən 63 milyon ABŞ dollarına yaxın zərərin ödənilməsi barədə qərar qəbul edilib. Göstərilən məbləğə həmçinin zərər, faizlər və məhkəmə xərcləri daxildir. “Palmali”nin çoxmilyonluq qarşılıqlı iddiası bu məhkəmə prosesində də tamamilə rədd edilib.

Əvvəllər SOCAR ilə “Palmali” arasında kommersiya münasibətləri mövcud idi, hərçənd ki, bu şirkətlər “Palmali”nin iddialarına baxmayaraq, heç vaxt birgə müəssisə yaratmayıblar.

“Palmali” şirkətinin öz öhdəliklərini yerinə yetirməməsi səbəbindən SOCAR Şirkətlər Qrupu 2018-ci ildə “Palmali” və Mübariz Mənsimov qruplarına qarşı üç Arbitraj proseduru  başlatdığını elan etdi.