Suraxanı Rayon İcra Hakimiyyətinin təşkilatçılığı ilə  genişmiqyaslı abadlıq-quruculuq işləri aparılır, yeni abad məhəllələr salınır, müxtəlif ərazilərdə çoxlu sayda ağac, gül, bəzək kolları əkilir.

Ovqat.com AZƏRTAC-a istinadən xəbər verir ki, keçirilən növbəti ümumrayon iməciliyi Əmircan–Qaraçuxur yolunun ətrafında reallaşıb. 300 nəfərin iştirak etdiyi kütləvi ağacəkmə aksiyasında yolun kənarları təmizlənib, abadlıq işləri görülüb, mövcud olan yaşıllığa qulluq edilib və ərazidə 500-dən artıq zeytun ağacı əkilib.