Azərbaycanda təhsilin keyfiyyətinin təminatı üzrə yeni sistemin yaradılması nəzərdə tutulub.

Bu, “Azərbaycan Respublikasında biznes mühitinin əlverişliliyinin artırılması və beynəlxalq reytinqlərdə ölkəmizin mövqeyinin daha da yaxşılaşdırılması ilə bağlı əlavə tədbirlər haqqında” Prezidentin 2016-cı il 13 iyul tarixli 2199 nömrəli sərəncamının həyata keçirilməsinə dair Tədbirlər Planında yer alıb.

 

Planda ali təhsil müəssisələri tələbələri üçün yeni yataqxanaların tikilməsi, qabaqcıl beynəlxalq təcrübəyə əsaslanaraq, təhsil pillələrinin bütün səviyyələrini əhatə edən yeni qiymətləndirmə mexanizmlərinin yaradılması, Təhsil müəssisələri üzrə nəticəyönlü və şəffaf idarəetmə modelinin yaradılması, təhsilalma sahəsində imkanları genişləndirmək üçün maliyyə mexanizmlərinin, o cümlədən tələbə kreditləri sisteminin yaradılması nəzərdə tutulub.(Modern.az)