Neftçala rayonunda yanğın hadisəsi baş verib.

Oxu.Az-ın bölgə müxbirinin verdiyi xəbərə görə, hadisə axşam saatlarında rayonun Şorkənd kəndində qeydə alınıb. 

Kənd sakini, 1953-cü il təvəllüdlü Piriyev Cahangir Əlövsət oğlu müxtəlif dərəcəli yanıq xəsarətləri ilə Salyan Mərkəzi Rayon Xəstəxanasına çatdırılıb.

Xəstəxanada tibbi yardım göstərildikdən sonra o, reanimasiya şöbəsinə yerləşdirilib. İlkin məlumata görə, C.Piriyevin tək yaşadığı yarımtikili yanıb. Nəticədə o, da yanıq xəsarətləri alıb. 

Yanğının hansı səbəbdən baş verdiyi hələlik məlum deyil. 

Faktla bağlı araşdırma aparılır.