Bakuresearchinstitute.org saytı Dövlət Statistika Komitəsinin 2020-ci il hesabatlarına əsaslanaraq ərzaq məhsulları üzrə yerli istehsal səviyyəsinə nəzər salıb. Araşdırmaya görə, 2020-ci ildə buğdada yerli istehsalın payı 57,1 faiz olub.

Başqa bitkiçilik məhsulları üzrə göstəricilər belə rəsmiləşib:
paxlalılar – 60,3 faiz
qarğıdalı və vələmir – 86,6 faiz
kartof – 90,6 faiz
arpa – 94,6 faiz
üzüm – 95,8 faiz.
Heyvandarlıq məhsulları üzrə yerli istehsalın payı belə sıralanıb:
quş əti və ət məhsulları – 79 faiz
balıq və balıq məhsulları – 81,7 faiz
süd və süd məhsulları – 83,5 faiz
mal əti və ət məhsulları – 87,4 faiz
qoyun və keçi əti və ət məhsulları – 97,3 faiz.
Sənaye emalından keçmiş ərzaq məhsulları üzrə statistika belədir:
təmizlənmiş düyü – 14,2 faiz
şəkər istehsalı üçün xammal – 14,6 faiz
yarmalar – 34,4 faiz
bitki yağları – 34,8 faiz
makaron məmulatları – 42,3 faiz
çay – 45,5 faiz
kərə yağı – 62,7 faiz
şəkər – 69,4 faiz
pendir – 88,1 faiz
un – 95,4 faiz.