"Bu gün ordu vəziyyətin belə davam edəcəyi təqdirdə növbəti müharibənin demək olar ki, qaçılmaz olacağını anlayır. Əgər biz Paşinyana baş nazir kimi dözsək, çox keçmədən Ermənistan ərazisində növbəti müharibəni görəcəyik".

Virtyualaz.org yerli KİV-ə istinadən bildirir ki, bunu Ermənistan müdafiə nazirinin keçmiş müavini Artak Zakaryan deyib.

O qeyd edib ki, yenidən müharibə olarsa, Ermənistan Süniki (Zəngəzur) itirəcək.

"Nikol hakimiyyətdə qalırsa, belə hesab edin ki, Sünik yoxa çıxacaq", - Zakaryan vurğulayıb.

Qeyd edək ki, son günlər Ermənistanda Azərbaycana qarşı yeni müharibənin başlanacağı barədə müxtəlif məlumatlar yayılmaqdadır.