“Modern Diplomacy” saytında Beynəlxalq Münasibətlərin Təhlili Mərkəzinin İdarə Heyətinin üzvü Esmira Cəfərovanın “Müharibədən sonrakı Cənubi Qafqazda sülh, problemlər və perspektivlər” başlıqlı məqaləsi dərc olunub.
 
Ovqat.com-un məlumatına görə, yazıda Azərbaycan Milli Ərazilərinin Minalardan Təmizlənməsi Agentliyinin (ANAMA) “İsgəndər M” ballistik raketinin qalıqlarını aşkar etməsinin müəyyən dəqiqləşdirmələr tələb etdiyi qeyd olunur. İnandırıcı cavabların olmaması təhlükəli fərziyyələrə səbəb ola bilər. 
 
“Müəllifin fikrincə, bu problem münaqişə sonrası reabilitasiya dövrünə yumşaq keçidin qarşısını alır”, - yazan müəllif qeyd edir ki, keçmişdə işğal olunmuş Azərbaycan ərazilərinə yerləşdirilmiş minaların yaratdığı təhlükə çox kəskindir: “İlkin hesablamalara görə, azad olunmuş ərazilərdə raketlər və döyüş sursatlarının zərərsizləşdirilməsi 5-6 il tələb edə bilər, minalanmış ərazilərin tamamilə təmizlənməsi isə 10-13 il çəkə bilər”.


 
E.Cəfərovanın fikrincə, problemi daha da ağırlaşdıran odur ki, Azərbaycanın Ermənistanla iqtisadi münasibətlər qurmaq üçün etdiyi bütün xoşməramlı jestlərə baxmayaraq, Ermənistan Azərbaycana mina xəritələrini verməkdən imtina edir.
 
Sonda müəllif yazır ki, həll olunmayan məsələlərin mürəkkəbliyi şəffaflıq, əməkdaşlıq və qarşılıqlı kompromis tələb edir.