Paşinyan Azərbaycanla sərhəddə beynəlxalq müşahidəçilərin yerləşdirilməsini təklif edib

Ermənistanın Baş naziri səlahiyyətlərini icra edən Nikol Paşinyan Azərbaycanla sərhəddə baş verən münaqişənin həlli planını açıqlayıb.

Musavat.com xəbər verir ki, plan 3 bənddən ibarətdir:

Hər iki tərəfin öz hərbi qüvvələrini sərhəddən geri çəkməsi;

Sərhəddə Rusiyanı və ya Minsk qrupu həmsədri olan hər hansı bir ölkəni (ABŞ və ya Fransanı) təmsil edən beynəlxalq müşahidəçilərin yerləşdirilməsi;

Beynəlxalq müşahidə altında sərhədlərin dəqiqləşdirilməsi.

Məlumdur ki, son zamanlar Ermənistan Azərbaycanla sərhəddə təxribatlar törədib, imzalanan müqavilələrin də şərtlərini pozur. Artıq Ermənistanın bu cür davranışlarının səbəbi məlum olur. Paşinyanın bu açıqlamasından görünür ki, Ermənistan faktiki olaraq bölgəyə Amerika və Fransanı-NATO-nu cəlb etmək istəyir. Ekspertlər bildirirlər ki, bütün bu təxribat xarakterli addımların arxasında bu dayanır.