Ermənistan Silahlı Qüvvələrinin 3-cü Ordu Korpusunun komandiri, general-mayor Qriqori Xaçaturov vəzifəsindən azad edilib.

“AzPolitika.info” “Sputnik Armenia”-ya istinadən xəbər verir ki, bu haqda Ermənistan dövlət başçısının mətbuat xidməti məlumat yayıb. Məlumata görə, bu barədə Ermənistan Prezidenti Armen Sarkisyan Fərman imzalayıb.

Qeyd edək ki, Q. Xaçaturov bu ilin fevralında Baş Qərargahın Baş nazir Nikol Paşinyanın istefası tələbini dəstəkləyən müvafiq sənədi imzalamışdı. Daha sonra o, bəyanatla çıxış edərək, hökumətinin istefaya getməsini tələb etmişdi.

Həmçinin, generalın atası, Baş Qərargahın keçmiş başçısı Yuri Xaçaturov sabiq prezident, hərbi cani Robert Köçəryanla birlikdə 2008-ci ildə ölkədə konstitusion quruluşun devrilməsində günahlandırılıb.

Xatırladaq ki, Qriqori Xaçaturov hələ 2016-cı il iyulun 7-də eks-prezident, uşaq qatili Serj Sarkisyan tərəfindən korpus komandiri təyin olunub.