“Əl-Cəzirə” tele-kanalı Fars körfəzində, BƏƏ ərazisində İsrail-Əmirlik yeraltı hərbi şəhərciyinin inşa edildiyini ortaya çıxarıb.
 
Ovqat.com xəbər verir ki, məlumatı SEPAh-a yaxınlığı ilə tanınan “Tasnim” xəbər portal yayıb.
 
Portalın məlumatına görə, BƏƏ-nin kəşfiyyat rəsmisi İsrail Müdafiə Nazirliyi ilə Əbu-Dabinin vəliəhdi, Silahlı Qüvvələrin Ali Baş Komandanının müavini Məhəmməd bin Zayed arasında gizli bir müqavilə imzalanıb. Bu müqaviləyə əsasən, İsrail 2019 -cu ildən BƏƏ-də gizli bir hərbi baza qurmaq üçün əmirliklə birlikdə çalışır.


 
“Bu hərbi şəhərciyin infrastrukturu ən yüksək təhdidlərə qarşı mübarizə aparmaq üçün istifadə edilir və dərinliyi 330 metrdir, heç bir raket onu məhv edə bilməz”, - məlumatda belə deyilir.
 
Qısası, Təl-Əvivlə normallaşma sazişinin imzalanmasından sonra ölkəsini sionist koloniyasına çevirən hakim BƏƏ rejimi indi hərbi koalisiya vasitəsi ilə öz mövqeyini qurmağa çalışır.


 
Bu xəbəri oxuduqdan sonra Ərdəbil imam-cüməsi Ayətullah Seyid Həsən Amilinin strateji beyninə heyran olmamaq mümkün deyil. İranın bütün qonşularını İsrail İranla düşmən etmişdi. Amili həzrətləri də “Şirin quyruğu”ndan danışa-danışa bizi də zorla bu sıraya qatmağa çalışır.
 
Amma məni düşündürən bir məsələ var: Amilinin bu strateji beyni kimə işləyir, görəsən?