Minskdə Azərbaycan və Ermənistan xarici işlər nazirlərinin görüşü keçirilib.
 
Ovqat.com-un məlumatına görə, görüş Rusiyanın Xarici İşlər naziri Lavrovun vasitəçiliyi ilə baş tutub.
 
Görüşdə 10 noyabr Bəyatanından irəli gələn məsələlər müzakirə edilib.

Məlumata görə, Ceyhun Bayramov Azərbaycanın bölgədə mövcud olan münaqişə sonrası vəziyyət və iki ölkə arasında münasibətlərin normallaşdırılması ilə bağlı mövqeyini səsləndirib.

Nazir 10 noyabr 2020-ci il və 11 yanvar 2021-ci ildə imzalanmış üçtərəfli bəyanatların tam icra edilməsinin vacibliyini vurğulayıb.

Beynəlxalq hüququn prinsiplərinə, xüsusilə dövlətlərin suverenliyi, ərazi bütövlüyü və sərhədlərin toxunulmazlığına hörmət əsasında Azərbaycan və Ermənistan arasında münasibətlərin normallaşmasına hazır olduğumuz ifadə edilib.

Azərbaycanın Ermənistanla sərhədlərinin delimitasiyası prosesi üzrə danışıqlara başlanılmasının önəmi vurğulanıb.

Nazir azad edilmiş ərazilərdə mina təhlükəsi mövzusunu qeyd edərək, Ermənistan tərəfindən dəqiq mina xəritələrinin təqdim edilməsinin zəruriliyini bildirib.