Ukrayna Müdafiə Nazirliyi qadınları hərbi xidmət üçün qeydiyyata almağa qərar verib.
 
Ovqat.com-un məlumatına görə, qərar Ukraynada ciddi müzakirələrə səbəb olub.
 
Rəsmi Kiyev bunu Rusiyaya qarşı müharibə başlayarsa, bütün ölkənin müdafiə iştirakı üçün vacib hesab edir. Plana görə, ölkədəki qadınların peşə bacarıqları əsasında qruplaşdırılması gözlənilən müharibə təhlükəsi zamanı ehtiyac yaranarsa, kimin hansı istiqamətə yönəlməsini müəyyənləşdirməyi asanlaşdıra bilər.
 
18 yaşdan 60 yaşa qədər qadınların hərbi komissarlıqlarda qeydiyyatdan keçməsi nəzərdə tutulur.
 
Ukrayna müxalifləri, xüsusilə də Rusiyaya meylli əhali isə qadınların hərbi xidmətə cəlb olunmasını absurd hadisə adlandırırlar və hamiləlik hallarının belə nəzərə alınmamasına sərt təpki göstərirlər.
 
Qeyd edək ki, gələn il yanvar və ya fevral ayları arasında Rusiyanın Ukraynaya hücumu gözlənilir və Kiyev bu təcavüzə müqavimət gücünü artırmaq üçün əhalini səfərbərliyə almağa çalışır.