Ukraynanı rus işğalından xilas edən əsas amil bu il qışın mülayim keçməsidir.
 
Ovqat.com xəbər verir ki, bu iddianı “New York Times” nəşri irəli sürüb.
 
Nəşrin yazdığına görə, Co Baydenin administrasiyası Rusiyanın Ukraynaya nə zaman hücum edəcəyini proqnozlaşdırmaq üçün bir qrup meteoroloqu Ağ evdə işə götürüb. Onlar Ukraynada nə zaman havanın torpağı donduracaq qədər soyuyacağını müəyyənləşdirməyə çalışırlar.
 
Məsələ burasındadır ki, Ukrayna əraziləri yaz aylarında qarın əriməsi ilə bataqlığa çevrilir. Bu isə hərbi texnikaların hərəkətini əngəlləyir. Mövsümlər içərisində ən uyğun fəsil isə qış aylarıdır. Qeyd olunur ki, ağır yük maşınlarını yaxşı donmuş torpaqda hərəkət etdirmək daha rahatdır və Moskva bu anı gözləyir. 
 
Nəşrin həmsöhbətlərinin fikrincə, torpaq indiyədək nisbətən yumşaq olduğu üçün Rusiya Ukraynaya hücum planını təxirə salmalı olub.