Ukrayna Silahlı Qüvvələri Donetsk istiqamətində yaşayış məntəqələrindən birini Rusiya hərbçilərindən azad edib.

Bu barədə Knyaz Vladimir Monomax adına 53-cü mexanikləşdirilmiş briqadanın “Facebook” səhifəsində məlumat verilib.

Məlumatda bildirilir ki, Ukrayna kəndinin rusiyalılardan azad edilməsində həmçinin “Aydar” 24-cü əlahiddə hücum batalyonunun əsgərləri də iştirak edib.

“Hazırda kənd daha çox ruha bənzəyir: “ölü” hərbi texnika, dağılmış evlər və mülki əhalinin dəhşətli xatirələri”, - deyə hərbçilər bildirirlər.

Məhz hansı yaşayış məntəqəsinin nəzərdə tutulduğu barədə briqada məlumat vermir.

Mənbə: UNİAN