İranda baş vermiş etirazlarda iştirak edənlərin arasında saxlanılanlardan 6 nəfərin məhkəməsi keçirilib, 1 nəfərin barəsində ölüm hökmü çıxarılıb.

Digər 5 nəfərin barəsində isə 5 ildən 10 ilədək həbs qərarı verilib.

Xatırladaq ki, hicaba görə saxlanılan Məhsa Əminin ölümü ilə bağlı İranın bir çox yerində polis və etirazçılar arasında qarşıdurma baş verib. Etirazçılar polis maşınlarını aşırıblar, xəsarət alanlar olub. Müxtəlif şəhərlərdə qadınlar M.Əminin ölümünə etiraz məqsədilə baş örtüklərini yandırıb, saçlarını kəsiblər.