Ötən ay Türkiyənin Kahramanmaraş vilayətində baş vermiş zəlzələ nəticəsində ölənlərin sayı artıb.

Modern.az xəbər verir ki, bu barədə Türkiyənin vitse-prezidenti Fuat Oktay məlumat verib.

O qeyd edib ki, zəlzələ nəticəsində 6 807-si xarici vətəndaş olmaqla 49 min 589 nəfər həyatını itirib.

Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub.