Ermənistan Silahlı Qüvvələri Baş Qərargahı rəisinin keçmiş müavini general-leytenant Tiran Xaçatryan saxlanılıb.

“Report” “Sputnik Armenia”ya istinadən xəbər verir ki, bu barədə Ermənistan İstintaq Komitəsinin mətbuat katibi Qor Abramyan bildirib.

Onun sözlərinə görə, keçmiş rəis müavini restoranlardan birində mükafat silahı ilə atəş açıb. Nəticədə Qarabağdan könüllü olaraq köç etmiş erməni yaralanıb. Fakt üzrə cinayət işi başlanıb.

T.Xaçaturyan qanunsuz silah gəzdirmə, xuliqanlıq və bədən xəsarəti yetirməkdə ittiham olunur. O, 2020-ci il iyunun 15-dən 2021-ci il fevralın 24-dək rəis müavini vəzifəsində işləyib.