![](/templates/Wmediat51/images/vetendash.jpg)
İranda növbədənkənar seçkiyə üç gün qalmış ölkənin ali dini rəhbəri ayətullah Əli Xamenei seçki prosesinə birbaşa müdaxilə sayıla biləcək çıxış edib. Görünür, seçkiöncəsi təbliğat-təşviqat kampaniyasının gedişi, xüsusən islahatçı namizəd Məsud Pezeşkianın əhali arasında dəstək qazanan fikirləri İran rəhbərini əməlli-başlı narahat edib. Və o, sanki prezidentliyə yeddinci namizəd kimi meydana atılaraq namizədlər arasında gedən debatlara qoşulmağa, həmin debatlar zamanı, xüsusən ölkənin xarici siyasəti ilə bağlı fikirlərə münasibət bildirməyə məcbur olub.
Bu barədə "Azad İran" "YouTube" kanalında yayımlanan videosüjetdə bəhs edilir.
İyunun 25-də Qədir-Xum bayramı münasibətilə əhalinin müxtəlif təbəqələrinin nümayəndələri ilə keçirdiyi görüşdə ayətullah Xamenei qarşıdakı seçki ilə bağlı iki məsələni ən mühüm məqamlar kimi vurğulayıb: birincisi, seçkidə maksimal iştirak; ikincisi, ən məsləhətli namizədin seçilməsi.
Paylaş: