Ermənistan parlamenti Ədliyyə Nazirliyinin Seçki Məcəlləsinə təklif etdiyi və fövqəladə və ya hərbi vəziyyət elan olunduğu halda yeni seçkilərin keçirilməsinə imkan verəcək dəyişiklikləri birinci oxunuşda təsdiq edib.

“Report” xəbər verir ki, bu barədə Ermənistan mətbuatı məlumat yayıb.

65 deputat dəyişikliklərin “lehinə”, 28 deputat isə “əleyhinə” səs verib.

Düzəlişlərə əsasən, səslərin hesablanması və nəticələrin protokolda qeyd olunması başa çatana qədər fövqəladə və ya hərbi vəziyyət elan edilərsə, seçki prosesi dayandırılacaq və onun bərpası üçün yeni səsvermə təşkil edilməlidir.

Xatırladaq ki, yeni Seçki Məcəlləsi 2021-ci ildə qəbul edilib.