Tehran nüvə proqramı ətrafında yaranmış vəziyyətin həllinə dair "avroüçlük" ölkələri (Almaniya, Böyük Britaniya və Fransa) ilə danışıqlara yenidən başlamaq üçün ilk addımı atmağa və Berlin, London və Parisə səfər etməyə hazırdır.

Oxu.Az xəbər verir ki, bu barədə İranın xarici işlər naziri Abbas Əraqçı "X" sosial şəbəkəsindəki hesabında yazıb.

"Mən yenidən diplomatiya təklif edirəm. Moskva və Pekində keçirdiyim son məsləhətləşmələrdən sonra ilk addımı atmağa və Paris, Berlin və Londona səfər etməyə hazıram. İran ABŞ ilə (nüvə proqramı ilə bağlı) dolayı danışıqlara başlamazdan əvvəl bunu etməyə hazır idim, lakin "avroüçlük" bundan imtina etdi", - deyə Əraqçı öz paylaşımında bildirib.