"Hazırda Tehran və Vaşinqton arasında danışıqların yenidən başlanması üçün şərait mövcud deyil".

Oxu.Az "Azad İran" "Telegram" kanalına istinadən xəbər verir ki, bu sözləri İranın xarici işlər naziri Abbas Əraqçı deyib.

Onun sözlərinə görə, yalnız ABŞ hər iki tərəf üçün bərabər və qarşılıqlı hörmətə əsaslanan dialoqa hazır olduqda danışıqlar mümkün ola bilər.

Əraqçı vurğulayıb ki, mövcud vəziyyətdə belə danışıqların aparılması real görünmür.