Dünən 43 saylı Sumqayıt üçüncü seçki dairəsinin deputatı Emin Hacıyev növbəti dəfə vətəndaşlarla görüşüb.
 
Deputatın köməkçisi Anar Mustafayevin Ovqat.com-a verdiyi məlumata görə, görüş YAP Sumqayıt şəhər təşkilatının qərargahında keçirilib.
 
 Görüşdə seçki dairəsinə daxil olan bir sıra mikrorayon və məhəllələrdən sakinlər iştirak ediblər. 
 
Vətəndaşların qəbulu zamanı seçicilərlə fərdi qaydada görüşən deputat Emin Hacıyev onların müraciət və təkliflərini dinləyib, problemləri ilə maraqlanıb. Seçicilər tərəfindən səsləndirilən müraciətlər əsasən, məşğulluq, sosial məsələlər, bank kreditləri və mənzil-məişət şəraitinin yaxşılaşdırılması ilə bağlı olub. Müraciətlərin bir hissəsi yerindəcə həllini tapıb, digər hissəsi isə nəzarətə götürülərək qanunvericiliyə uyğun həll edilməsi üçün aidiyyatı qurumlarla əlaqə yaradılıb.
 
Ovqat.com