“Səfər mənə İsveçin ATƏT-ə sədrliyinin prioritetlərini müzakirə etmək imkanı verdi. Biz ATƏT-in Avropanın təhlükəsizlik qaydalarını qorumaq, təşkilatın hərtərəfli təhlükəsizlik unikal konsepsiyasını dəstəkləmək və bunu münaqişələrin həllinə yönəltmək üçün ATƏT-in əsas missiyalarına dəstək veririk. ATƏT-in münaqişələrin həllinə kömək etmək üçün ciddi mandatı var və mən Minsk prosesində iştirak etməyi tamamilə dəstəkləyirəm”.

“Report” xəbər verir ki, bu fikirlər ATƏT-in fəaliyyətdə olan sədri, İsveçin xarici işlər naziri Ann Linde Azərbaycana səfərinin nəticəsinə dair bəyanatında yer alıb.

Səfər zamanı Linde “Qadınlar, sülh və təhlükəsizlik” gündəminin daha da irəliləməyin vacibliyini vurğulayıb və ATƏT prinsiplərinə və beynəlxalq hüquqa, o cümlədən beynəlxalq humanitar hüquq və insan haqlarına hörmət edilməsinin vacibliyini önə çəkib. Linde ötən ilin 10 noyabrında Azərbaycan, Rusiya və Ermənistan rəhbərləri arasında imzalanmış bəyanatın tam tətbiq olunmasının vacibliyini də vurğulayıb.