“AzPolitika.info” xarici KİV-lərə istinadla xəbər verir ki, Kiyev ətrafından geri çəkilən Rusiya ordusu Ukraynanın şərqində, xüsusən də Donbasda cəmləşərkən, Pentaqon sözçüsü Con Kirbi Ukraynanın müharibədə mütləq qalib gələ biləcəyini bildirib: “Rusiya yalnız əhalisi az olan şəhərləri nəzarət altında saxlaya bilir. Putin Ukraynada heç bir strateji məqsədinə nail ola bilmədi. Putin nə Kiyevi tuta bildi nə də hakimiyyəti devirə bildi. Təbii ki, Ukrayna müharibədə qalib tərəf ola bilər”.

Məlumatda qeyd olunur ki, Pentaqon rəsmiləri Rusiya ordusunun Ukraynanın paytaxtı Kiyev və Çerniqov vilayətindən tamamilə geri çəkildiyini açıqlayıb: “Çıxarılan rus əsgərlərinin sayı təxminən 24 minə yaxındır. Ancaq gələcəkdə bu qüvvələrinin yenidən Kiyevə qayıdıb-qayıtmayacaları məlum deyil”.