Qaynarinfo xəbər verir ki, bunu Ukrayna Prezidenti Volodimir Zelenski Beynəlxalq Sərgilər Bürosunun Baş Assambleyasına Odessanın Ekspo 2030-a ev sahibliyinə namizədliyini təqdim edən videomüraciətində bildirib.

"Artıq biz onlarla tərəfdaş ölkəni Ukraynanın bərpasına cəlb edirik. Ümumi işlərin həcmi bir trilyon dollardan çoxdur", deyə Prezident bildirib.

Zelenski əlavə edib ki, himayə sistemi sayəsində ölkələr və şirkətlər konkret bölgələri, şəhərləri, əraziləri və ya müəssisələri bərpa etməyə başlaya bilərlər. Fransa, Böyük Britaniya, Niderland, Almaniya, Danimarka, Finlandiya, Polşa, Portuqaliya, İtaliya, Türkiyə, Çexiya, Sloveniya, Latviya, Estoniya, İsveçrə, Slovakiya, Avstriya, Yunanıstan, Kanada, ABŞ, Yaponiya və Avstraliya belə işlərə maraq göstərib.