HƏMAS lideri İsmayıl Haniyənin Tehranda öldürülməsindən sonra İran və ya “Hizbullah”ın cavab hücumu həyata keçirəcəyi dəqiq hesab edilsə də, hücumun nə vaxt baş verəcəyi bəlli deyil. İran bununla bağlı öz kartlarını gizli saxlayır. 

Musavat.com “Haber Global”a istinadən xəbər verir ki, ABŞ-ın “Wall Street Journal” (WSJ) qəzeti İranın raket buraxılış sistemlərini işə saldığını və hərbi təlimlər keçirdiyini iddia edib.

WSJ bildirir ki, gözlənilən hücum yaxın günlərdə baş verə bilər.

“Axios”un xəbərinə görə, Bayden və Harrisə məlumat verən ABŞ rəsmiləri bildiriblər ki, hücumla bağlı nə “Hizbullah”, nə də İran hələ tam qərar verməyib.