Ermənistan-Azərbaycan münasibətinin nizamlanması problemi aktual olaraq qalır.

Axar.az xəbər verir ki, bunu rusiyalı politoloq Sergey Markedonov sosial şəbəkə səhifəsində yazıb.

"Burada iki məqam var. Bir tərəfdən ABŞ və onun avropalı müttəfiqləri sülh prosesinin əsas moderatoru və sponsorunun yerini tutmağa çalışır. Elə bil ki, onlar Moskvanın oxşar istəklərini görmür, lakin faktiki olaraq onun iştirakını minimuma endirməyə çalışırlar.

Digər tərəfdən, Ermənistan-Rusiya münasibətləri də asan deyil. Qarabağın itirilməsinin şoku hələ də Ermənistanda ictimai əhval-ruhiyyəni müəyyən edən mühüm amildir.

“Əlbəttə, Azərbaycana səfərimdən sonra baş nazir Paşinyanla əlaqə saxlayıb, danışıqlarımızın nəticələri barədə ona məlumat verəcəyəm”, - Rusiya prezidenti Əliyevlə söhbəti zamanı deyib. Moskvanın həm Bakı, həm də İrəvanla konstruktiv münasibətlər saxlayan vasitəçi statusunu itirməməsi son dərəcə vacibdir. Baxmayaraq ki, hər gün bu problemin həlli müxtəlif səbəblərdən çətinləşir", – o bildirib.