Ukrayna artıq Sovet dövrünə aid hərbi sistemlərdən tamamilə Qərb texnologiyalarına keçib və bu, onu ABŞ-dan gələn silah təminatından tamamilə asılı vəziyyətə gətirib.

Musavat.com xəbər verir ki, bu barədə "Bloomberg" qəzeti məlumat yayıb.

 Nəşr yazır ki, bu dəyişiklik Ukraynanın müdafiə potensialını artırsa da, eyni zamanda, ABŞ-ın hərbi yardımı kəsildiyi təqdirdə Avropanın bu boşluğu doldurması məsələsini çətinləşdirir.

Rusiyanın isə artilleriya sursatlarını istehsal baxımından Avropanı çox geridə qoyduğu vurğulanır. Hazırda Rusiya bütün Avropanın istehsalından daha çox artilleriya sursatı istehsal edir, bu da onun hərbi imkanlarını genişləndirir.

Bundan əlavə, Avropa İttifaqı ölkələrinin, öz ordularını yenidən silahlandırmaqda çətinliklərlə üzləşdikləri bir dövrdə ABŞ-ın hərbi yardımlarının kəsilməsi ilə yaranacaq boşluğu doldurmaq məcburiyyətində qalacaqları bildirilib. Lakin ekspertlər Avropanın heç vaxt yaxın gələcəkdə ABŞ-ın Ukraynaya etdiyi yardım həcmini əvəz edə bilməyəcəyini qeyd edirlər. Bu vəziyyət Ukraynanın silah təminatında böyük bir risk və qeyri-müəyyənlik yaradır.