Xəbər lenti

Ovqat.com gənc şairə Ülfət Ziyafətqızının bir neçə şeirini təqdim edir:

Ülfət Ziyafət qızı Əkbərli: 1985-ci ildə Lənkəran şəhərində ziyalı ailəsində anadan olub. Lənkəran Dövlət Universitetinin filologiya fakültəsi üzrə ali təhsil alıb,ixtısası üzrə müəllimə işləyir.

1998-ci ildən Lənkəranda fəaliyyət göstərən "Ziya" ədəbi məclisinin ilk fəal üzvlərindəndir. Şeirləri "Söz", "Məşəl", "Azərbaycan", "Ulduz","Ədəbiyyat","Aşkarlıq", "Lənkəran", "İmpuls" kimi respublika qəzet ve jurnallarında dərc olunmuş,"Ömürdən yarpaqlar"adlı almanaxda yer almışdı. "Bir ovuc göz yaşı" adlı şeirlər kitabının müəllifidir.

Ailəlidir, bir oglu, bir qızı var.

 

 Gedəcək

 

Ruhum gözlərimdə əridi sən-sən,

Tükəndi ümidlər, tükəndi mən-mən..

Sənin yoxluğunla sənli həsrətdən

Tutundum ömrümün son anı kimi..

 

Bu sevgi qürurun başını əydi,

Şeirim əyninə söz yaşın geydi,

Udulan ahlarım sinəmi döydü,

Dilinin "sevmirəm" yalanı kimi..

 

Sanma yoxluğuna gücüm yetəcək,

Sənli sənsizliklə ömür bitəcək,

Sevdiyin Ülfət də bir gün gedəcək,

Bir gün dönəcəyin gümanım kimi...

 

Bu dəli sevdaya əsir olandan 

 

Bu dəli sevdaya əsir olandan

Hər gecə yuxular Sənə yozulur.

Min ömrə sığmayan dəli arzular

Bir eşqin ömründə Sənə yazılır.

 

Adı qoyulmayan bu ssenaride

Daha yorulmusam rol oynamaqdan,

" Sən"adlı şeirler qalıb yarıda,

Bezdim misralara eşq yamamaqdan.

 

Bir bədənlik ruhum bakirə deyil.

Hər gecə mənimlə sevişir həsrət,

"Biz" rəngli "Sən" yuxum bakirə deyil,

Cəhənnəm ətridir zina məhəbbət.

 

Ürək

 

Yaşamadın bu sevdanı

doya-doya,

Yasamadın duyguları

duya-duya..

Doymadıgın bu eşqinə

Doya -doya ağla, ürək..

Öpmədiyin gözlərindən

Tək rəsmini soya-soya

Bağla, ürək..

Çox ağladın

Bu sevginin dirisinə

İndi növbə ölünündür..

Dəli kimi hönkür-hönkür..

Ağla, onun ölüsünə..

Nəfəsində günahları

Dua-dua yuya-yuya

ahla, ürək..

Cox sevdikcə yaralandın,

Sevda yaran

Qoyma sagalsın, ürək.

Öldü eşqin,

öldü bu gün,

Başın sağ olsun,urək..

 

Kimi

 

Sürüşdün misramdan, düşdün şerimden,

Düsdün dodağımın söz yaşı kimi.

Sənli xəyalları çırpdım ömürdən,

Çırpdım ürəyimin göz yaşı kimi.

 

Sən getdin, arxanca qaçdı izlərim,

Qaçdi ta kölgənə çatana kimi.

Sənin həsrətinlə yandı gözlərim,

Yandı, son baxışı dadana kimi..

 

Əsən küləklərlə oynadı külüm,

Oynadı gözümə dolana kimi.

Demirəm sənsizlik çətindir, gülüm,

Çətini onsuz da ölənə kimi.

 




Ana səhifəyə qayıt        Baxış: 1 716          Tarix: 28-04-2017, 11:40      


Paylaş:   

Xəbərə şərh yaz
Adınız:*
E-Mail:*
Şərhiniz:*
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent