Almaniya və Rusiya liderləri bütün siyasi əngəllərə baxmayaraq, münasibətləri inkişaf etdirmək niyyətindədir.

Axar.az xəbər verir ki, bunu Rusiya Prezidenti Vladimir Putin Almaniya Prezidenti Frank Valter Ştaynmayerlə görüşündə deyib.

"Məlum olan siyasi çətinliklərə rəğmən Rusiya-Almaniya əlaqələri inkişafdan qalmadı və bu əlaqələri genişləndirməyə hazırıq. Rusiyada 5500 alman şirkəti fəaliyyət göstərir, cəmi sərmayə 50 milyard dollardan artıqdır. Alman iş adamları Rusiya bazarındakı fəaliyyətlərini genişləndirmək niyyətindədirlər", - Putin vurğulayıb.