Mixail Saakaşvilinin Gürcüstandakı tərəfdarları istənilən ssenariyə hazırdır.

Bunu “Rustavi 2” televiziyasına açıqlamasında Vahid Milli Hərəkat Partiyasının liderlərindən olan Nikanor Meliya söyləyib.

“Poroşenko prezident kimi hüquq müstəvisinin sərhədlərini aşan addımlar atıb. O, kriminal mentalitetə sahib olan adi insandır. Məhz o, Saakaşvilini öz oliqarxik rejimi üçün təhdid hesab edir. Saakaşvili milyonlarla ukraynalı və Gürcüstan vətəndaşı üçün böyük ümiddir. Biz istənilən ssenariyə hazırıq. Ukraynadakı dostlarımızla sıx əlaqələrimizi qoruyuruq”, – deyə o bildirib.//Axar.az