Suriya kürdlərinə silah dərhal veriləcək.

Ovqat.com Teleqraf.com istinadən xəbər verir ki, bunu ABŞ-ın liderliyi ilə İŞİD-ə qarşı qurulan beynəlxalq koalisiyanın nümayəndəsi Con Dorrian jurnalistlərə deyib.

O bildirib ki, Amerika tərəfi İŞİD-ə qarşı mübarizə üçün YPG-yə verməyi planlaşdırdığı silahların bir qismini dərhal göndərəcək:

“Bu proses bütövlükdə mərhələli şəkildə və ciddi nəzarət altında həyata keçiriləcək”.

Rakka əməliyyatından sonra silahların YPG-dən geri alınıb-alınmayacağı haqda suala cavab verən Con Dorrian bildirib ki, bu silahlar İŞİD-ə qarşı müharibədə istifadə ediləcək.

Qeyd edək ki, YPG-yə avtomat, artilleriya vasitələri, pulemyotlar veriləcək.

Türkiyənin ciddi etirazlarına baxmayaraq, ABŞ Prezidenti Donald Tramp YPG-yə silahların verilməsi haqda sənədi təsdiqləyib.