Rusiyanın Ermənistandakı 102 saylı hərbi bazasının hərbçiləri Şirak bölgəsinin Panik kəndində keçirdikləri təlimlə sakinləri vahimələndiriblər.

“Report” Ermənistan KİV-inə istinadən xəbər verir ki, buna səbəb olaraq, əhalinin hərbi təlimin keçirilməsi ilə bağlı xəbərdarlıq edilməməsi göstərilir.

Kəndin icra nümayəndəliyinin başçısı Vardan Makeyan bildirib: “Əvvəlcə elə bildik ki, müharibədir. Camaat küçəyə axışdı. Bəziləri huşunu itirdi. Atəş açırıdılar. Yaxşı ki, döyüş gülləsi deyildi. İndiyədək 30 hərbçi kəndin yolunu bağlayıb. Xəbərdarlıq edilməmsi təhqiredici haldır. Ermənistan bunu Rusiyada etsəydi, indi onu faciə kimi qələmə vermişdilər. Hərbi bazaya və müdafə etdiyinzə görə sağ olun. Ancaq kənd ərazisində təlim keçirilməməlidir”.