Yaponiyada isiti hava şəraiti nəticəsində bir həftə əzrində 65 nəfər ölüb, 22 min 500 nəfər isə istivurma diaqnozu ilə xəstəxanaya yerləşdirilib.

“Report” “RİA Novosti”yə istinadən xəbər verir ki, bu məlumatı təcili yardım xidməti yayıb.

Bildirilib ki, istivurma halları iyulun 16-22 tarixində baş verib. İsti havalardan Yaponiyanın Aiti, Osaka, Saitama, Xyoqo, Tiba və Kioto əyatlərinin əhalisi əziyyət çəkib. Bu bölgələrin əhalisinin yarıdan çoxu yaşlı insanlardır.

Ötən həftə bir sıra əyalətlərdə havanın temperaturu 40 dərəcəni keçərək, 41,1 dərəcəyə çatıb. Yaponiyada ən yüksək temperatur (41 dərəcə) 2013-cü il avqustun 12-də Koti əyalətinin Simanto rayonunda qeydə alınıb.