İran rejimi Xomeynidən sonra terrorizmin bayrağını daşıyır. Bizim xoş niyyətli qonşuluq münasibətlərimizi də rədd etdi. Bu niyyətlərimizə regionda sərt siyasət və terror aksiyaları ilə cavab verdi.

Ovqat.com Axar.az-a istinadən xəbər verir ki, bunu Səudiyyə Ərəbistanı kralı Salman bin Əbdüləziz əl-Səud ərəb və müsəlman liderlərinin ekstremizmə qarşı mübarizəyə həsr edilmiş sammitində çıxışı zamanı deyib.

“İran rejimi susmağımızı zəiflik, hikmətimizi isə geri çəkilmək kimi başa düşdü. Bu gün burada əhalisinin sayı 1.5 milyarddan çox olan 55 ölkənin lideri ilə bir yerdəyik. Bu ölkələr dünyada sülh, sabitlik və təhlükəsizliyin əldə edilməsi üçün terror və radikalizmlə mübarizədə önəmli müttəfiqlərimiz oldu”, - kral bildirib.