ABŞ Senatının Xarici əlaqələr komitəsində İrana qarşı yeni sanksiyaların tətbiq olunması barədə layihə qəbul edilib.

Ovqat.com Axar.az-a istinadən xəbər verir ki, yeni sanksiyaların tətbiqi İranın ballistik raket proqramını genişləndirməsinə, yaraqlı islamçı radikal qruplaşmalara dəstək verməsinə, onlara silah-sursat çatdırmasına, eləcə də İranda insan haqlarının kobud şəkildə pozulmasına görə nəzərdə tutulub.

Səsvermə yolu ilə qəbul edilən layihənin lehinə 18 nəfər, əleyhinə 3 nəfər səs verib.

ABŞ Senatının nümayəndələri bildiriblər ki, onların qəbul etdiyi bu layihənin qanunlaşması üçün Amerika Konqresinin Nümayəndələr Palatası və ABŞ Prezidenti Donald Tramp tərəfindən dəstəklənməlidir.