Brazilyanın Amazon meşələrində baş verən şiddətli yanğının dumanları günəşin 17:51-də batdığı Cənubi Amerikanın ən böyük şəhəri olan San Paulonu günorta saatlarında qaranlığa bürüyüb. 

Moderator.az xəbər verir ki, cənub yarımkürəsində mövsümün qış olması və Amazon hövzəsindəki yanğınlar səbəbi ilə şəhərdə günəş 2 saat əvvəl batıb.

Brazilyalı mütəxəssislər Amazondakı meşə yanğınlarının görülməyən ölçüdə artdığına diqqət çəkərək yanğınların bir qisminin təsərrüfat sahələrini açmaq üçün çıxarıldığını bildirib.  

Qeyd edək ki, şəhəri bürüyən dumanların 2.500 kilometr uzaqdakı alovlardan gəldiyi təxmin edilir.