Türkiyənin uzun illərdir İnterpol vasitəsilə axtarışa verdiyi Mətin Baydar Şimali İraqda həbs edilərək Ankaraya gətirilib.

Teleqraf.com xəbər verir ki, Mətin Baydar 9 il əvvəl Mersində müğənni Sarp Öztürkə yaxınlaşaraq ondan kürd dilində mahını oxumağı tələb edib.

Bu tələbi yerinə yetirmək istəməyən müğənnini güllələyən Mətin hadisə yerindən qaçıb.

Mətin Baydar 1 uşaq atası Sarp Öztürkü, gitaraçı Okuçunu və Ramazan Koçu güllələyib. Okçu və Koç yaralanıb, Sarp isə güllə yarasından vəfat edib.

Türkiyə 7 il əvvəl Mətin Baydarı axtarışa verib. Türk İnterpolu onun izini Şimali İraqda tapıb. Qatilin yaşadığı ünvan dəqiqləşdirildikdən sonra yerli hüquq-mühafizə orqanları ilə müştərək əməliyyat keçirilib.

Ankaraya verilən Mətin Baydar məhkəmə tərəfindən həbs edilib və Sincan həbsxanasına göndərilib.