Rusiya Xarici İşlər Nazirliyinin sözçüsü Mariya Zaxarova ABŞ Prezidentinin Türkiyə iqtisadiyyatını məhv edəcəyi ilə bağlı sözlərini şərh edib.

Axar.az xəbər verir ki, XİN sözçüsü Feysbuk səhifəsində bununla bağlı paylaşım edib.

“ABŞ Prezidenti sələflərinin etdiklərini öz sözləri ilə adlandırmaqdan çəkinmir”, - deyə Zaxarova bildirib.

Qeyd edək ki, Tramp Türkiyənin ona icazə verilən sərhədləri keçəcəyi və İŞİD-çiləri saxlamayacağı təqdirdə bu ölkənin iqtisadiyyatını məhv edəcəklərini söyləmişdi. Daha sonra isə ABŞ Prezidenti "Ərdoğana “İŞİD-çilərə görə siz məsuliyyət daşıyırsınız” dedim. Suriyada heç kimin tərəfini tutmuram. Ərdoğan ilə yaxşı əlaqələrimiz var” - deyə bildirdi.