Eastnews.org-un verdiyi xəbərə görə, İranın paytaxtı Tehranda insanlar son iğtişaşlara etirazlarını bildiriblər. Bu barədə "Farsnews" agentliyi məlumat yayıb. Məlumata görə, İranda ölkənin təhlükəsizliyini, əmin-amanlığını və nüfuzunu dəstəkləyən mitinq keçirilib. On minlərlə insan iştirakıyla keçirilən mitinqdə hökumətin benzinin qiymətini qaldırmasından sonra yaranan xaos və iğtişaşlar pislənilib. İzdihamlı mitinq bu gün Tehranda "İslam İnqilabı" meydanında keçirilib. Qeyd edək ki, bundan əvvəl İranın Zəncan, Təbriz, Ərdəbil və digər şəhərlərində iğtişaşçılar əleyhinə kütləvi mitinqlər keçirilib.