“Vikiliks”in rəhbəri Culian Assancın ABŞ-a ekstradisiyası işi üzrə növbəti dinləmələr 2020-ci ilin 25 fevralında keçiriləcək.

Axar.az xəbər verir ki, bunu “RİA Novosti”yə açıqlamasında Assancın vəkili Aitor Martinez deyib. O, Assancın ekstradisiyasının təxirə salınacağına ümid etdiyini bildirib.

Qeyd edək ki, Assanc 2019-cu ildə Ekvador tərəfində Britaniyaya təhvil verilib. Britaniya isə onu ABŞ-ın tələbi əsasında həbs edib. Vaşinqton Assancı casusluqda və məxfi informasiyanı yaymaqda ittiham edir.